شرم الشيخ Sharm Elsheikh

رحلة شرم الشيخ مع أعز الاصدقاء مختار وصالح وسكر كانت بمثابه الحب من النظره الاولى للرياضات البحريه،، أول تجربه لي لرياضه السنوركلنج … كنت خايف من البحر والاسماك وسبحت بالايف جاكيت مع اصحابي وهم جبابره البحر والغوص .. محمد سكر احد ابطال رياضه الغوص وصيد السمك ، اول تجربه كانت في مكان رائع ورفقه رائعه كنت معاهم زي الطفل اللي بيتعلم اول خطوات المشي ومش راضي يبطل يمشي ويجري ويتعثر ، اتلسعت من حراره الشمس وظليت الثلاثه الايام اللي قضيناها في الشرم افطر بإستعجال علشان انزل واعمل سنوركلنج تطورت ثقتي بنفسي وصرت اروح لاعماق اكثر لمشاهده المزيد من الاسماك والشعب المرجانيه اخرج من المويه علشان استريح لاواصل السباحه والمرح كانت المياه صافيه جدا والاسماك كثيره والشعب متناثره في كل مكان ، تأسفت اني ماغصت وحطيت احد اهدافي عند العوده لشرم الشيخ هو ان اتعلم رياضه الغوص وفعلا حصل … تعاقبت الزيارات لشرم الشيخ وفي احداها وبدون استعدادات قررنا نزور منطقه ذهب بحكم انها احد اجمل مناطق الغوص في العالم وبدون ترتيبات توقفنا في سانت كاترين وزرنا الوادي المقدس طوى وجبل موسى وبئر موسى عليه وعلى نبينا افضل الصلاة والتسليم وشجرة العليقه و كنيسه سان كاترين التي بنيت في القرن الرابع للقديسه كاترين ،،الكنيسه مزينه بالرسوم الدينيه وتحوي عدد من الكنوز والمخطوطات الأثريه ويعمل في خدمتها عدد من النساك اليونانيين الارثوذكس المسيحيين، طبعا جاء ذكر عدد من الاماكن اللي في المنطقه في عده سور في القرآن الكريم حيث كلم الله عز وجل سيدنا موسى والقى عليه الالواح والوصايا العشر وحدثت العديد من القصص منها تعرفه ( موسى ) على زوجته عند البئر وقصة السامري في اسفل الجبل ، المكان يزوره الحجاج ويعد مكان مقدس للثلاث الديانات . قضينا وقت طويل في هذه المنطقه وتلخبط جدولنا ووصلنا الى ذهب في وقت متأخر وبكدا فوتنا على نفسنا رحلة الغوص. لكن ملحوق عليها ….

المقالات المشابهه

اترك رد

%d مدونون معجبون بهذه: